Hvanná

Á Hvanná í Jökuldal voru gróðursettar um 100 þúsund plöntur sumarið 2022, greni fura og ösp. Gróðurfar einkenndist af rýrum melum og varð fura því fyrir valinu að stærstum hluta þar sem hún hentar vel í þá landgerð. Ösp og greni var svo plantað í tún og í önnur frjósamari svæði. Vegna þess hve rýrt svæðið er, verður sérstaklega áhugavert að fylgjast með hvernig jarðvegur mun byggjast upp þegar fram líða stundir, bæði hvað varðar lífríki og kolefnisforða. Ítarlegar upplýsingar um verkefnið er hægt að nálgast á www.yggcarbon.is/verkefni/hvanna-i-joekuldal/. Þar er einnig hægt að koma ábendingum á framfæri.